14… 15… … 17… 18…

  Tahir, ajandaya Berken vekir û li navê dimeyzand. Hemû rûpel bi rekûpek bûn. Çi kiriye, çi nekiriye, tiştên kêm û zêde hemû roj bi roj tomar kirine. Keyfa Tahir pir ji vê yekê re hat. Yekem kurdê bi rekûpek bû Berken li gor Tahir. Lê gava hate meha adarê tiştekî bala wî kişand. Roja 16an tunebû di nava ajandayê de. 16ê Adarê diyar bû ku hatiye qetandin. Hêj şûna qetandine diyar bû li nav ajandayê de. Tahir xwe negirt û gazî Berken kir:

 

___ Kak can, tu her hebî! Helal be ji te re! Ez te pîroz dikim. Jiyana te bi tevahî li gor pergalekê ye. Bala min rûpela 16a kişand. gelo çima ew rûpel tune ye?

Berken keserek kişand. Kesereke tije kul û derd… Kesereke tije êş û jan… û axivî bi dilê xwe ne bi devê xwe:

     ___ Ezîzê min! 16ê Adarê ji min re tune ye! Êdî ez we rojê najîm! Ew roja ku tu qala we dikî 16ê Adara 1988an mir! Gava bêhna sêvan kete pozê min ji min re ew roj mir kak…

TACDÎNÊN BÊ SİTÎ

TACDÎNÊN BÊ SİTÎ

Ne xewn bû ne xeyal bû û ne cin bûn ne hov bûn. Berî çend rojan li gerdûneke nenas de du mirov li parkekê li rêx min rûniştin. Yek 75-80 salî û yê din 25-30 salî bû. Hevûdu nasnedikirin. Li ser wan kursiyê parkê diaxivîn. Xal piştî temenê xorto pirsî şaş ma weke min û dûv re xorto bi zimanê evînê axivî:

          

            ___ Na lo! Welleh ez ji te bawer nakim! Tu herî kêm 50 salî yî. Wa xuya ye, mûyekî reş di pora te û di riha te de nemaye!

            ___ Nexêr xal nexêr, bi navê Yezdanê Dilovan hêj nebûme 30 salî!

            ___ Erê law bila weke te be tu rast dibêjî lê sedema spîbûna mûyên te, qurmiçokên çermên te çi ye?

            ___ Xal sedem, rihê min pîr bûye. Derdan ez xwarime, êşan ez kurmî kirime! Gelo tu nizane mirovên derdkêş ji Eyubê kurmgirtî bêhaltirin. Tu çavên min nabîne gelo xal? Her roj her şev para wan rondik in, hêsir in. Sedem ez im xal sedem tu yî sedem hinekî Elî ye hinekî Rojîn e hinekî jî çavên xezala min in…