EZIM KURDISTAN, EZIM KURD

Ez im Kurdistan,

Reqsa agir,ax û av...

Xwedî yê heremên têr team,

Strana kawa yê hesinkar.

 Ezim Kurd,

Leheng û dildarê te ey keça Med

Sond dixwim dest ji te bernadim

Ser serê min çêbin hezar qiyamet

Ez im Kurdistan,

Ser singa min,

Tu car kêm nebûn, azwerî û bersên bêhed

Bêjimar cangorî min dan

Ez im Kurd,

Dest li çek, mesken çiya

Ez ê singa xwe bikim hêsar ji bo te,

Ez ê bibim cangorî yê ax te

Heya kû azad bibe civak û xaka te

Ez im Kurdistan,

Xakek xêr û bêr ,

Tim bereket bû axa min a zîv û zêr

Lê hoviyên bê wijdan,

Li min kirin Cilên xwe yên kirêt

Ez im Kurd,

Ez ê bi Gîjle û Fırat bişûm biskên te

Ez ê rojê bikim şeh ji bo pora serê te

Ez ê bibim melhem ji bo birînên te

Ez im welatê rojê,

Dîlbera Zerdeştê Kal,

Landika Şêx Seîd,

Wargeha lehengên enîçal

Ez im evîndarê te,

Vaye bîstûneh car min çêkir xemla te

Destê min de ye mifta dilê te

Ji bilî min tuneye yar di gel te

Ez im Kurdistan,

Erdnîgariya axa kubar

Sînga min diherikin dû robarên navdar

Xweş wargehim têr evîn dil nazdar

Ez im Kurd,

Ez ê birînên te vehêr bikim

Ez ê dîrokê nûjen bikim

Hêvîyên xwe tûcar winda nakim

Esilzademe xudan xakim

Min tu hejandî bi landika dilê xwe

Min çiya mezin kirin bi lorikên xwe

Da kû bibe hêsar ji bo canê te

Dê xwedî derkeve Xeyalên bab û kalên xwe

Sond dixwim  bi serê te,

Ez ê derêxim êş û kulan ji dilê te

Nahêlim ji kesê ra mîratê bab û kalên xwe

Serbilind û serfirazî bêm xazgînî ya te

Robar   BÊWAR