Ş.CÛDÎ ZÛRAVA(Helbest)

Ez Cûdî zûrava dayê

Demê ku te li mal de xeyal dihûnandin

Xeyalên min diherikî  ji devre

Dizanim bi çûyîna min re

Li singa te de eş û kulan hêlin çekir

Lê bizane dayê

Ez rûyê mirinê geş nakim

Li ser çiyayê Cûdî, Cûdiye miraza

Ez ê xeyalên xwe berdim li bin kulîlkên

Kesk û sor û zer

Ez ê rûkeniya te bêxim kefa deste xwe

Û bireşînim li ser  rûyê wan

Da ku kelecana  jiyanê  bibe stran

Û li ser çiyayên Kurdistanê bên strandin

Dizanim her babek kurd

Yaqubeke li benda Îsif ê xwe

Li ber peravê jiyanê

Dem dîlgirtiyê qederêye babo

Şênbere jan li ber çavan

Perdeya çi demî tu li ser rûyê wê rakî

Xeyalên cemidî wê jê bikevin

Biharên me bê gul û çîçekin

Derî  li ser jiyanê hatiye radan

Lê dengek efsûnî  tête guhên min

Dibêje çiyayên Kurdistanê avisê Azadiyê ye

Robar BÊWAR