SIHBETA LI GEL MELA YÊ CIZIRÎ(Helbest)

Min derbas kir şevên çirya yên dirêj

Di binçenga min de dîwana melayê cizîrî...

 

 Mingot:

Melayê min
Bo min bike qala
Çavên yarê

Mela got;
Ez çi bêjim û çi wate yê li çavên yarê kim
Ez pênûsa li noqî derya ya hibrê kim
Kaxiz û lênûska tejî li ser rûyê erdê kim
Bikim riste û li helbesta bar kim
Hêja têra qala çavên yarê nakin...

Min got:

Mela yê min
Li min bike minetê
Bi evînê germ bike sihbetê

Mela got:
Qet ji min neke wê pirsê
Dûr digire ji aramî û ferzê
Agir û pête li dilde
Dernakeve bi yek le'zê
Mûptela yê yarê û sotî dil
Gul tên afirandin ji xweliya dil
Bi figan û feryadî herdem
Tu nizanî bilbil dinale an jî gul
Lê heye demsalek li rûyê yarê
Ew demsal nîne li ser rûyê zemînê
Jiyaneke li nav baxê dil
Ew teşe jiyan xasê evînê

Melayê min,
Mihebetê demê xwe berda li dilde
Me şev borand kir singê rojê de
Tamek nepen û xweş ji ristên te
Ma lı ser zimên de

Robar BÊVAR
07/09/2016